2026 ел Татарстанда «Хәрби батырлык һәм хезмәт фидакарьлеге елы» дип игълан ителде. Шул уңайдан татар һәм туган як турындагы әдәбият бүлеге китапханәчеләре әлеге елга карата бай эчтәлекле китап күргәзмәсе оештырды. Күргәзмәдә «Батырлар китабы. Книга Героев», «Герои Российской Федерации. Россия Федерациясе Геройлары», «Кавалеры Ордена Славы трех степеней. Дан Орденының тулы кавалерлары» һ.б. китаплар урын алды.
Күргәзмә ел дәвамында эшлиячәк. Китап укучылар, сезне күргәзмә белән танышырга китапханәдә көтеп калабыз.
